Бәйрәм салюты һәм боз тамашасы: Алабуга Яңа елны ничек каршы алачак

31 декабрьдә биредә 18:00 сәгатьтән бөтен гаилә өчен зур бәйрәм программасы башлана, ул зур салют белән тәмамланачак.

Программаның төп өлеше боз тамашасы булачак. Боз өстенә «Лёд и пламя» спектакле белән Мәскәүнең «Сириус» театры чыгачак. Фигуралы шуу, хореография һәм театр сәнгатен берләштергән бу матур тамаша Яңа ел алдыннан чын-чынлап әкияти атмосфера тудырачак.

Ләкин сюрпризлар моның белән генә бетми. Бәйрәм кунаклары өчен артистлар катнашында зур концерт программасы әзерләнә.

Актив рәвештә вакыт үткәрергә теләүчеләр кышкы спорт төрләрен сынап карау өчен тимераяк һәм чаңгыларны прокатка ала алачак. Кичәнең кульминациясе — әйлән-бәйлән, бию, ачык һавада халык уеннары булачак.

Бәйрәм 21:00 сәгатьтә Алабуга һәм стадион өстендәге күк йөзен яктыртачак искиткеч бәйрәм салюты белән тәмамланачак.

Чараның кыскача программасы:

• 18:00 — бәйрәм башланды.
• «Сириус» боз театрыннан «Лёд и пламя» боз тамашасы (Мәскәү шәһәре).
• Концерт программасы.
• Актив ял: тимераяк һәм чаңгы шуу.
• Халык күңел ачулары: әйлән-бәйлән, бию һәм уен.
• 21:00 — Бәйрәм салюты.

Чарага керү ирекле. Оештыручылар барлык алабугалыларны һәм шәһәр кунакларын узып баручы елны күңелле, актив һәм якыннар арасында уздырырга чакыра.