Бастрыкин Азнакай районындагы җимерек юллар вәзгыятен контрольгә алды

Россия Тикшерү комитеты башлыгы Александр Бастрыкин Азнакай районының Чәкән, Югары Стәрле һәм Константиновка авылларын тоташтыручы юлның ватылуы турындагы шикаятьләрне тикшерергә кушты.

Җирле халык сүзләренчә, анда асфальт өлешчә юк, йөк машиналары хәрәкәте аркасында тирән чокырлар барлыкка килгән. Автомобильләр һәм мәктәп автобусы йөрүе куркынычка әйләнде, техника даими ватыла.

Гражданнарның мөрәҗәгатьләренә карамастан, ремонт эшләре башкарылмаган. Вәзгыять социаль челтәрләрдә фаш ителде.

Россия Тикшерү комитетының Татарстан буенча Тикшерү идарәсендә процессуаль тикшерү оештырылган. Бастрыкин идарә җитәкчесе Валерий Липскийга аның нәтиҗәләре турында хәбәр итәргә кушты. Тикшерү барышы ведомствоның үзәк аппаратында контрольгә куелган.