Белем көнендә КФУ студентларының стипендиясе 5 процентка артачак

Белем көнендә КФУ студентларының стипендиясе 5 процентка, ә 1 октябрьдән аспирантларның стипендиясе артачак.
"Агымдагы елның 1 сентябреннән КФУ студентларының дәүләт академия стипендиясе — 2100 сум, дәүләт социаль стипендиясе — 3100 сум тәшкил итәчәк. "5"ле билгеләренә генә укучылар 3150 сум алачак", — дип хәбәр итә КФУның Алабуга институты матбугат хезмәте. Билгеләп үтик, КФУның Алабуга институтында 5 меңнән артык студент һәм аспирант укый. Казан федераль университетында стипендия түләүләрен 50 меңнән артык укучы ала алачак.