Бер картлыкта, бер яшьлектә
2011 елның иң өлкән кияве булып 84 яшьлек алабугалы, ә иң өлкән кәләше 65 яшьлек хатын-кыз булган.
Алабугада өйләнешергә теләүчеләрнең яше артуы күзәтелә. Шулай, беренче мәртәбә кияүгә чыгучы хатын-кызларның уртача яше - 18-24, ирләрнең - 25-34 яшь.
2011 елда рәсми рәвештә 3811 пар никах теркәлгән. Аларның 342се районның авыл мәдәният йортларында өйләнешүне өстен күргән.
- Ел саен бездә милли йолаларны үткәрү яңартыла, алып баручылар өчен яңа костюмнар тегелә, никахны теркәү барышы да үзгәрә, - ди Алабуга районы ЗАГС бүлеге җитәкчесе Людмила Григорьева.
Алабуга ЗАГСы ел саен 45-50 мең алабугалыны һәм аларның кунакларын кабул итә. Башка күрше шәһәрләрдән килүчеләр дә күп.
Узган елда аерылышучылар саны кимегән. Барлыгы 367 гаилә таркалган. Бу - бер елдан биш елга кадәр бергә торган яшь парлар.
Следите за самым важным и интересным в Telegram-каналеТатмедиа
Оставляйте реакции
Нет комментариев