Болгарда большевикларга куелган һәйкәлне мәдәни мирас объекты дип танырга планлаштыралар

Болгардагы революция көрәшчеләре — большевикларга куелган һәйкәлне республика әһәмиятендәге мәдәни мирас объекты дип танырга ниятлиләр. ТР мәдәни мирас объектларын саклау комитеты боерыгы әлегә коррупциягә каршы экспертиза уза.

Һәйкәл Пионерская урамындагы 46 нчы йорт янында, аның Хирург Шеронов урамы белән киселешендә урнашкан. Монумент 1975 елда куелган.

Тимер-бетоннан эшләнгән скульптура егылучы революционерны сурәтли. Ул сул кулы белән күкрәген тотып, йодрыклаган уң кулын югары күтәргән.

Фигура трапециясыман пьедесталда тора. Ул шулай ук тимер-бетоннан эшләнгән.

Фото: документациянең скриншоты