Быел Алабугада 14 ишегалды яңартылачак

Быел районда 23 йорт капиталь төзекләндереләчәк. 2 нче кварталдан йортларның фасадларын җылытуга керешергә, бу төр эшләрне 1 августка төгәлләргә ниятлиләр. Гомумтөзелеш эшләре, төгәлрәк әйткәндә, түбәләрне, инженерлык челтәрләрен ремонтлау март аенда Татарстанның 10 еллыгы урамындагы 38 нче йорттан башланачак. Башка эшләрнең төп күләменә апрель ахыры-май башында керешәчәкләр һәм җәй ахырына тәмамлаячаклар.

«Безнең ишегалды» программасы буенча 14 ишегалды яңартылачак. Бүлеп бирелгән акчаларның күп өлеше — 108, 9 миллион сум — юл эшләренә юнәлдереләчәк, яктырту һәм кече архитектура формалары урнаштыруга —12,4 шәр миллион сум.