Быел Алабуганы 200 мең чәчәк бизәячәк

Быел Алабугада 200 мең чәчәк утыртылачак. Мондый мәгълүмат шәһәр башкарма комитетында узган киңәшмәдә яңгырады. Бу исемлеккә петунья, бегония, сальвия һәм башка чәчәкләр керәчәк. Беренче чәчәк утырту май аена планлаштырылган. Быел клумбалар күбрәк булачак, дип билгеләп үтелә. Шулай ук Алабугада агач утырту да дәвам итәчәк. Мәрҗани урамында декоратив алма, ә Әйләнеч шоссесында пирамидаль тирәкләр утыртылачак, дип хәбәр ителә.