Быелның беренче өч аенда бизнес «1764» программасы буенча 130 млрд сумнан артык акча алган

2024 елның беренче кварталы нәтиҗәләре буенча урта һәм кече эшмәкәрлек субъектлары «1764» ташламалы кредитлау федераль программасы кысаларында 5,1 мең кредит килешүе төзегән. 

«1764» программасын гамәлгә ашыруда 90 банк катнаша. 

Дәүләт ярдәме белән урта һәм кече эшмәкәрлек субъектлары җәлеп иткән кредитларның уртача күләме 30-46 млн сум тәшкил итә.

«1764» ташламалы кредитлау программасы «Кече һәм урта эшмәкәрлек» илкүләм проекты кысаларында эшли башлады. Бу — кече һәм урта бизнес өчен ташламалы субсидия, аның ярдәмендә эшмәкәрләр түбән ставкалы кредит ала ала. Кредитларны инвестиция максатларына, әйләнештәге акчаларны тулыландыруга һәм рефинанслауга алырга мөмкин.