Чаллыда Кама аша күперне вакытыннан алданрак ачтылар

Юлчылар үз эшләрен билгеләнгән вакытка кадәр төгәлләделәр. Бу хакта Чаллы мэры Наил Мәһдиев үзенең телеграмм-каналында хәбәр итте.

Күпердәге юлны ремонтлау 11 сентябрьдә башланды һәм план буенча 1 октябрьдә тәмамланырга тиеш иде. 

Күпердә ремонт эшләре бару сәбәпле, хәрәкәт чикләнгән иде: Чаллыга керү юлы бер полосадан гыйбарәт булды. Икенче яктан кире хәрәкәт оештырылды. Бу Чаллыда чыгу һәм керү юлында бөкеләр барлыкка китерде, халык та социаль челтәрләрдә күп тапкыр зарланды. 

Фото: Татар-информ.