Экологик десант «Красная горка» үзәнлегендә өмә үткәрде

Алабуганың балалар экология-биология үзәге хезмәткәрләре үзләренең тәрбияләнүчеләре белән бергә «Красная горка» үзәнлегендә экология өмәсе үткәрде.

Үзәктә тәрбияләнүчеләр, 4нче гимназиядә укучылар «Яшел Россия» бөтенроссия өмәсе кысаларында педагоглар һәм «Түбән Кама» милли паркы белгече җитәкчелегендә акция үткәрде. Алар «Красная горка» үзәнлегенә илтүче юл буендагы чүп-чарны җыештырдылар.

Өмә вакытында һәркайсы 240 литрлы 13 капчык чүп-чар җыеп алынды.