Алабугада Казаннан «Метеорлар»ның даими рейсларын эшләтеп җибәрү турында фикер алыштылар

Алабуга причалы территориясендә «Флот РТ» җәмгыяте, АМР башкарма комитеты вәкилләре, Алабуга причалының «КОНТ» җәмгыяте хуҗалары һәм Алабуга дәүләт музей-ядкарьлеге вәкилләре очрашты.

Очрашуның темасы — Алабуга причалын пассажир метеорларын кабул итүгә әзерләү.

«Флот РТ» җитәкчесе урынбасары Роман Лизалин хәбәр иткәнчә, быел Казан-Чаллы маршруты буенча (Чистай, Түбән Кама һәм Алабугада туктала) даими рейслар җибәрү планлаштырыла.

Бүгенге көнгә расписание әзер. Рейслар җомгадан якшәмбегә кадәр йөрер дип ниятләнә. Проектны гамәлгә ашыру өчен ике заманча Метеор бүлеп бирү планлаштырыла.