Эшсезлек буенча пособие күләме арта

2022 елда Россиядә эшсезлек буенча пособие күләме артачак һәм 12792 сум тәшкил итәчәк. Моңа бәйле Указны РФ Премьер-министры Михаил Мишустин имзалаган.

Эшсез калган гражданнарга бу сумма беренче өч ай дәвамында түләнеләчәк. Аннан соңгы өч айда түләүләр 5 мең сум тәшкил итә. Минималь пособие күләме 1,5 мең сум дип билгеләнгән.

Агымдагы елда эшсезлек буенча пособие 12130 сум булган.

Пандемия сәбәпле илдә эшсез калган гражданнар саны үсү күзәтелгәннән соң, РФ Президенты Владимир Путин февраль азагында ук аларны эшкә урнаштыру ысулларын булдырырга йөкләмә биргән иде.

Чыганак