Фәрит Мөхәммәтшин төзәтмәләр кертелгәннән соң тормыш ничек үзгәрәчәген сөйләде

РФ Конституциясенә сәламәтлек саклау мәсьәләләренә кагылышлы төзәтмәләр COVID-19 коронавирус пандемиясен җиңәргә ярдәм итәчәк, ә тулаем алганда, илнең Төп законындагы үзгәрешләр россиялеләрнең социаль якланышын көчәйтергә мөмкинлек бирәчәк. Бүген ТР Дәүләт Советы Рәисе Фәрит Мөхәммәтшин «Бердәм Россия» Бөтенроссия сәяси партиясенең Татарстан төбәк бүлеге сәяси советы утырышын уздырды.
ТР Дәүләт Советы Рәисе сүзләренә караганда, Конституциягә төзәтмәләр Россия гражданнарын социаль яклауга юнәлдерелгән. Иң мөһим үзгәрешләрнең берсе минималь хезмәт хакы турындагы нигезләмә булачак, дип саный ул.
Россия Конституциясенә төзәтмәләрне хуплау мәсьәләсе буенча тавыш бирү 25 июньнән 1 июльгә кадәр барды.