Гүзәл Уразова дүртенче бәбиен кайчан таба? Бала тапканда Илдар янында булачакмы?

Җырчы белән интервьюдан өзекне «Шәһри Казан» газетасы китерә. 
Гүзәл Уразова: "Ходайдан көтелмәгән бүләк булды ул. Авырлы икәнемне белгәч, Илдар да, мин дә бик сөендек. Баланың җенесенә кагышлы сораулар — иң актуале. Кем туасын беләбез, әмма әлегә әйтмибез.

"Партнерские роды«га карашым тискәре. Ул сүзне ишетүгә үк: «Аллам сакласын», — дип әйтәм. Бала табу — ул серле күренеш. Минем белән күпләр килешер дип уйлыйм. Ирең белән бергә бала табу хәзер киң таралган, әмма мин ул моданы кабул итмим".