Халык тыңлаулары

Бу юлы шәһәр территориясендәге линияле объектларны планлаштыру һәм межалау проекты буенча фикер алыштылар. Мәскәү - Городище урамнары, Урман Аланы микрорайонында Әйләнеч шоссе һәм Куанычлы урамнары буенча газүткәргечне боҗралау, Пристань тыкрыгы һәм Кама буе урамы буенча газүткәргечне күчерү, 12. 9нчы газ көйләгеч пунктларны (ГРП) техник яктан яңадан коралландыру проектлары белән райбашкарма комитетының архитектура һәм шәһәр төзелеше буенча җитәкче урынбасары Ольга Никитина таныштырды. Алар күпчелек тавыш белән хупланды.