Һәр бишенче пенсионер күбрәк акча алачак

Өстәлгән акча уртача 1565 сум тәшкил итә, дип хәбәр итте Алабуга районында социаль фондның клиентлар хезмәте җитәкчесе Елена Глинская. Шунысын да билгеләп үтәргә кирәк, түләү күләме индексациягә кадәр булган пенсия күләменә бәйле. Ул, элеккеге кебек үк, автомат режимда башкарыла.

Хәзер шәһәрдә һәм районда дүрт мең ярымнан артык эшләүче пенсионер яши. Бу картлык буенча иминият пенсияләрен алучыларның гомуми санының 20 проценты.

Моннан тыш, бу елның 1 августыннан эшләүче пенсионерларның иминият пенсияләренә дә төзәтмәләр кертеләчәк, бу турыдан-туры 2024 елда алына торган хезмәт хакы күләменә бәйле — ул никадәр югары булса, арту да шулкадәр күбрәк булачак.