Ил буенча беренче

Үзәк стадионда 4 көн дәвамында Германия, Венгрия, Украина, Голландия, Грузия, Япония, Эстония, Финляндиядән килгән 80 спортчы ачери-биатлон буенча көч сынашты. Ук ату буенча ТР беренчелеген, Рәсәй Чемпионатын һәм Ачык Чемпионатны Алабуга менә инде икенче кат кабул итә.

5 километрлы дистанциядә алабугалы Евгений Грачев 3 нче урында, Алабуганың 1 нче спорт мәктәбе спортчысы Регина Насибуллина 4 километрлы дистанциядә 2 нче урынны яулады. Шул ук спорт мәктәбенең тагын бер спортчысы, хәзерге көндә Бурятиягә күченеп киткән Зоритто Лупсанов та җиңүчеләр исемлегендә. Бер үк вакытта Татарстан һәм Бурятия данын яклаган Зоритто 5 километрлы дистанциядә 1 нче урынны яулады. Бу өч спортчының тренеры - Ф. Хаҗиев.