«Йорт янындагы бакча» скверында «Раштуа прәннеге» тамашасы узды

«Йорт янындагы бакча» скверында бүген «Раштуа прәннеге» («Рождественский пряник») дип аталган интерактив тамаша узды. Кышкы уеннарда Яңа ел әкият персонажлары — Кыш Бабай, Кар Кызы, Убырлы карчык белән бергә балалар һәм ата-аналар катнашты.

Барысы да бик теләп кызыклы конкурсларда катнашты, чыршы тирәли әйлән-бәйлән уйнадылар, ә бүләкләрне — символик прәннекләрне — традиция буенча Кыш Бабай гына түгел, ә тамашаның төп герое — сөйкемле Раштуа прәннеге бүләк итте. «Татарстанда кыш» проекты кысаларындагы чараны 38 нче «Алтын ачкыч» балалар бакчасы хезмәткәрләре оештырган иде.