Исерек хәлдә руль артына утыручыларны экспресс-тестлар ярдәмендә ачыкларга мөмкиннәр

2022 елда исерек шоферларны ачыклау өчен ЮХИДИ хезмәткәрләре экспресс-тестлар файдалана башларга мөмкин.

«Быел ук ЮХИДИ инспекторларының юлларда исерек шоферларны тиз арада ачыклау өчен приборлары пәйда булыр дип көтелә. Төгәл дата соңрак билгеле булачак», — дип хәбәр иткән ТАСС агентлыгына хокук саклау органнары вәкиле.

Элегрәк Россия Эчке эшләр министрлыгы мондый тестларны кертү мәсьәләсе хәл ителүе турында хәбәр иткән иде инде. Экпресс-тестлар машина йөртүчеләр полиция хезмәткәрләре белән аралашкандагы вакытта чыгымнары киметергә, аларның субъективлыгын булдырмаска, шулай ук конфликтлы хәлләрне булдырмый калырга ярдәм итәчәк, дип яза Татар-информ.