Казан Кремле янында йөрәк формасындагы триколор барлыкка килде

Казан Кремле урнашкан калкулыкта Гашыйклар көнендә йөрәк формасындагы триколор барлыкка килде. Бу хакта «Татар-информ» мәгълүмат агентлыгы хәбәр итә.

«Бу үз ярыңа гына яратуыңны аңлату өчен түгел. Без, патриотик оешма буларак, үз Ватаныбызга, үз илебезгә карата мәхәббәтне күрсәтергә һәм йөрәк формасындагы триколор ясарга булдык», — дип билгеләп үтте «Татар-информ» мәгълүмат агентлыгы белән әңгәмә барышында «Бердәм Россиянең Яшь Гвардиясе» бөтенроссия иҗтимагый оешмасының Татарстан төбәк бүлеге җитәкчесе Динар Бариев.

Әйләнә-тирә мохит зыян күрмәсен өчен, рәсем ясау өчен экологик яктан чиста буяулар кулланылган, аннары, һава шартлары үзгәргән очракта, ул эреп, юкка чыгачак.

Бариев билгеләп үткәнчә, рәсем билгеләнгән вакытка килештерелгән — оешма алдан ук заявка биргән, аны бернинди тоткарлыкларсыз хуплаганнар. Йөрәк формасындагы триколор күпме карда торачагы һава шартларына бәйле.