Казан метросында йөрүгә яңа бәяне әйттеләр

Яңа тарифлар 2026 елның 1 гыйнварыннан гамәлгә керәчәк. Бу хакта хокукый мәгълүмат порталында бастырылган рәсми документта хәбәр ителә.

Билет күпме торачак:

• Бер тапкыр бирелә торган билет (акчага яки картага сатып алына) — бер сәфәргә 46 сум.
• Транспорт картасы (100 сәфәргә пакет сатып алганда) — бер сәфәргә 36 сум.

Ничек түләргә мөмкин:

Төрле ысуллар белән түләргә мөмкин: акчалата, банк картасы, транспорт картасы яки QR-код аша.

Багаж өчен:

Әгәр дә сез рөхсәт ителгән нормалардан зуррак булган кул йөген алып барасыз икән, аның өчен аерым түләргә кирәк булачак. Бу тариф шулай ук 46 сум тәшкил итәчәк.