Казанда Алинә Заһитова мәктәбе төзелеп бетү датасы билгеле булды

Татарстан Республикасында фигуралы шууның яңа үзәге 2026 елның 30 августына төзелеп бетәчәк. Бу хакта төбәкнең спорт министры Владимир Леонов йомгаклау матбугат конференциясендә хәбәр итте.

Министр сүзләренчә, объект тар спорт белгечлегенә ия булачак. 

«Бу бер бозлы, күп санлы заллы бик функциональ объект булачак. Алдан ук әйтәм: ул нәкъ менә фигуралы шууга багышланачак. Әйе, бәлки, без ниндидер секцияләр урнаштырырбыз, әмма басым бер спортка гына булачак», — дип китерә Леоновның сүзләрен «Татар-информ» хәбәрчесе.

Яңа комплекс базасында төп проект олимпиада чемпионы Алинә Заһитова мәктәбе булачак. Беренче укучыларны 2026 елның 1 сентябрендә, үзәк ачылганнан соң ук кабул итү планлаштырыла.

Үзәк Портовая урамында элеккеге «Водник» стадионы урынында төзелә, һәм боз аренасы, хореография һәм ОФП өчен заллар, шулай ук массакүләм шуу һәм кафе өчен зоналар булган эре тренировка комплексы булачак. Төзелеш 2024 елда башланды.

Фото: rais.tatarstan.ru