Казанның төп Яңа ел чыршысын бизәүгә 13 млн сум тотачаклар

Казанның Гаилә үзәге янында Яңа ел чыршысын бизәү өчен 13 млн сум акча тотачаклар. Тендерда Санкт-Петербург шәһәреннән «Елочкин» компаниясе җиңгән. Бу хакта Дәүләт сатып алулары сайтында хәбәр ителә, дип яза Татар-информ.

Тендерның заказчысы — Казанның Тышкы төзекләндерү комитеты. Бу бәягә төп чыршыны урнаштыру һәм сүтү, шулай ук инде булган кечкенә йортларны ярминкә мәйданчыгына урнаштыру да керә.