КФУның Алабуга институтын тәмамлаган 100 чыгарылыш студенты кызыл дипломга ия булачак

КФУның Алабуга институтын тәмамлаган 100 чыгарылыш студенты кызыл дипломга ия булачак. Бу хакта КФУ Алабуга институты матбугат хезмәте хәбәр итә.
Дипломнарны 9 июльгә кадәр тапшырачаклар. 2 июльдән 9 июльгә кадәр университетны тәмамлаган 779 студентка дипломнар биреләчәк. Алар арасында — 100 кызыл диплом иясе.
Шушы көннәрдә КФУның Алабуга институтында юридик факультетның көндезге һәм читтән торып уку бүлеген тәмамлаган 70 кеше Казан федераль университеты дипломнарын алды. Ә тапшыру тантанасын беренчеләрдән булып 251 яшь белгеч чыгарган психология һәм педагогика факультеты ачты. Аны тәмамлаучыларга төп профессиональ документлар 5 июльдә тапшырылды.