Хокук саклау органнары хезмәткәрләренең күрсәтмәләренә буйсынмаган өчен административ җаваплылык катгыйлана

Алабуга шәһәр прокурорының өлкән ярдәмчесе Зүрия Мадюкова хәбәр иткәнчә, РФ Административ хокук бозулар турындагы кодексының 19.3 маддәсендә каралган җәмәгать тәртибен саклаучы һәм җәмәгать куркынычсызлыгын тәэмин итүче полиция хезмәткәре, хәрби хезмәткәр, яки җинаять өчен җәза үтәтү системасы органы хезмәткәре, яки РФ милли гвардия гаскәрләре хезмәткәре күрсәтмәләренә буйсынмаган өчен административ җаваплылык катгыйлана. Гражданнарга 2 мең сумнан алып 4 мең сумга кадәр штраф күләме билгеләнә (кабат хокук бозган очракта — 10 мең сумнан 20 мең сумга кадәр), шулай ук аларга карата мәҗбүри эшләр рәвешендә административ җәза куллану мөмкинлеге беркетелә.
Моннан тыш, гаммәви чараларны оештыручылар хәзер административ җаваплылыкка тартылырга мөмкин, шулай ук моңа финанс дисциплинасын үтәмәү дә керә.
Гаммәви чараны оештыру һәм үткәрү өчен федераль бюджет кеременә акча җыю, кире кайтару, күчерү, гаммәви чараны оештыру һәм үткәрү өчен җыелган акчаларны вәкаләтле органга һәм (яки) башка мөлкәтне тоту турында хисап тапшырмау яки үз вакытында бирмәү, яисә аны тулы яки тиешенчә күләмдә тапшырмау административ штраф салуга китерә: 
- гражданнарга — 10 меңнән 20 мең сумга кадәр;
- вазифаи затларга — 20 меңнән 40 мең сумга кадәр;
- юридик затларга — 70 меңнән 200 мең сумга кадәр.
Моннан тыш, гаммәви чараларны оештыру һәм үткәрү өчен акча һәм (яисә) башка мөлкәт аларны күчерергә хокукы булмаган зат тарафыннан башкарылса, административ штраф күләме федераль закон нигезендә түбәндәгечә булачак:
- гражданнар өчен — 10 меңнән 15 мең сумга кадәр;
- вазифаи затлар өчен — 15 меңнән 30 мең сумга кадәр;
- юридик затлар өчен — 50 меңнән 100 мең сумга кадәр.