«Китап» радиосы автомарафонында катнашучылар Башкортостанга килеп җитте

«Мин матурлык эзләп йөрим...» авточабышы катнашучылары Агыйдел елгасын кичеп, Башкортостан буйлап сәяхәт итә башлады. Чараны «Китап» радиосы оештырды. 

Бүген музыкантлар һәм радиостанция алып баручысы республиканың дүрт торак пунктында тукталырга планлаштыра. Роуд-турда катнашучылар беренче булып Дүртөйле шәһәренә барачак. Иртәгә алар Уфада концерт куя. 

Музыкаль-әдәби марафон Казан Кремле янында 25 октябрьдә башланып китте. Татарстанлылар өч көн эчендә 18 торак пунктта булачак. Анда 20 минутлык программа тәкъдим ителәчәк.