Көнкүрештә газ: куркынычсызлык буенча кыскача инструкция

Татарстанда кешеләрнең үлеменә китергән газ исе белән агулану очраклары ешайды. Кагыйдәләрне үтәү — формальлек түгел, ә тормышны саклап калу зарурлыгы, дип басым ясый республиканың газ хезмәтләре .

Төп тыюлар:
— Плитәне бүлмәне җылыту өчен кулланмагыз.
— Эшли торган приборларны контрольсез калдырмагыз.
— Җиһазларны балалардан ераграк тотыгыз.
— Автоматик куркынычсызлык датчикларын сүндермәгез.

Мәҗбүри чаралар:
— Газ җиһазлары булган бүлмәләрне даими җилләтеп торыгыз.
— Вентиляциянең төзеклеген тикшереп торыгыз.
— Хезмәт күрсәтү һәм ремонтлауны лицензияле хезмәткәрләргә генә ышанып тапшырыгыз.

Газ исе сизелсә:
1. Газ вентилен ябыгыз.
2. Тәрәзәләрне ачыгыз.
3. Утны һәм электр приборларын кабызмагыз.
4. Бинадан чыгып китегез.
5. Куркынычсыз урыннан 104 яки 112 номерына шалтыратыгыз.

Шунысы мөһим: Казанда һәм Югары Осланда кешеләр һәлак булган соңгы вакыйгалар бу кагыйдәләрне бозу — вентиляцияне ябу, үз белдегең белән ремонтлау һәм датчикларны сүндерү белән бәйле.