Короновируска антитәнчекләр бары тик икенче «Спутник V» прививкасыннан соң гына барлыкка килә

Яңа короновирус инфекциясенә каршы тәнчекләр бары тик «Спутник V» прививкасының икенче фазасыннан соң гына барлыкка килә. Бу хакта ТР сәламәтлек саклау министры урынбасары Владимир Жаворонков хәбәр итте.

«Вакцинация 21 көн аралыгы белән ике этапта үтүен истә тотарга кирәк. Антитәнчекләр бездә икенче этапны үткәннән соң гына барлыкка килә», — диде спикер.

Владимир Жаворонков әйтүенчә, беренче фазадан соң барлыкка килгән иммунитет организмны яклау өчен җитәрлек күләмдә түгел.