Кремльдә Конституциягә төзәтмәләр COVID-19 пандемиясе аркасында актуальлеген югалтмаган дип саныйлар

Кремльдә Конституциягә төзәтмәләр COVID-19 пандемиясе аркасында актуальлеген югалтмаган дип саныйлар. Бу хакта РИА Новости яза.

Дмитрий Песков тәкъдим ителгән төзәтмәләрнең пандемия вакытында искерә алмавын әйтте.

Исегезгә төшерәбез, илнең төп законына төзәтмәләр кертү буенча тавыш бирү 22 апрельдә узарга тиеш иде. Әмма коронавирус инфекциясе таралу сәбәпле, Россия Президенты Владимир Путин тавыш бирү датасын соңрак вакытка күчерде.