Лаеш районында МХО геройлары гаиләләренә дәүләт бүләкләре тапшырдылар

Лаеш районында махсус хәрби операция зонасында һәлак булган хәрбиләрнең туганнарына дәүләт бүләкләре тапшыру тантанасы булды. Үлгәннән соң әлеге бүләкләрне районда туган дүрт кеше алды.

Дәүләт бүләкләре рядовой Николай Зайцевка — Суворов медале, рядовой Артур Галиуллинга — Суворов медале, рядовой Константин Талановка — Жуков медале, рядовой Алексей Сосипатровка — «Татарстан Республикасы алдындагы казанышлары өчен» ордены медале бирелде.

Тантана район Советы залында район башлыгы Илдус Зарипов һәм хәрби комиссар Айрат Гайнуллин катнашында узды. Район башлыгы рәсми өлеш алдыннан геройларның гаиләләре белән очрашты, һәр туганының кайгысын уртаклашты.

«Без сезнең улларыгызны һәм абыйларыгызны хәтерлибез һәм һәрвакыт истә тотачакбыз. Алар чын батырлык күрсәттеләр һәм хәрби бурычларын лаеклы үтәделәр. Без алар турындагы истәлекне саклыйбыз һәм аларның гаиләләренә ярдәм итүне дәвам итәчәкбез», — дип билгеләде Илдус Зарипов.

Тантанада катнашучылар һәлак булганнарны бер минут тынлык белән искә алдылар.