Мәктәпләрне дистанцион укуга күчерергә мөмкиннәр

Төбәк хакимиятләренә коронавирус инфекциясенең тиз таралуына бәйле рәвештә, Россия мәктәпләрендә укытуның дистанцион форматын кайтарырга туры килергә мөмкин. Бу хакта ДД депутаты Федот Тумусов хәбәр итте, дип яза Ватаным Татарстан. 

Депутат сүзләренчә, бер-ике атна элек 3 меңгә якын авыру исәпләнсә, бүгенге көндә бу күрсәткеч дистәләгән мең тәшкил итә. Шул ук вакытта, дистанцион укуга күчү авыруга каршы көрәштә беренче адым гына булачак, дип билгеләп үтә парламентарий.