Мебель сатып алучылар игътибарына

Йорт җиһазы сатканда кулланучы белән сатучы арасындагы хокук мөнәсәбәтләре нигездә «Кулланучылар хокукларын яклау турында» 1992 елның 7 февралендәге 2300-1 номерлы РФ Законы (алга таба — Закон) таләпләре һәм РФ Хөкүмәтенең 2020 елның 31 декаберендәге 2463 номерлы карары белән расланган товарларны сату кагыйдәләре белән җайга салына.

Закон нигезендә сатучы (башкаручы) кулланучыга (сатып алучыга) товарлар турында аларны дөрес сайлап алу мөмкинлеген тәэмин итә торган кирәкле һәм дөрес мәгълүматны вакытында бирергә тиеш.

Мәҗбүри рәвештә түбәндәге мәгълүмат тәкъдим ителергә тиеш:

— товарның исеме;

— товар җитештерүченең фирма исеме һәм урнашу урыны, җитештерүче (сатучы) тарафыннан сатып алучылардан дәгъвалар кабул итүгә вәкаләт бирелгән оешманың урнашу урыны;

— товар туры килергә тиешле стандартларны билгеләү;

— товарның төп куллану үзенчәлекләре турында белешмәләр;

— товар белән нәтиҗәле һәм имин файдалану кагыйдәләре һәм шартлары (инструкция);

— әгәр ул җитештерүче тарафыннан конкрет товар өчен билгеләнгән булса, гарантия срогы;

— билгеле бер вакыт узгач, товар үзе яисә аның комплектлау детальләре кулланучының гомере, сәламәтлеге өчен куркыныч тудырырга, аның мөлкәтенә яисә әйләнә-тирә мохитенә зыян китерергә мөмкин булса, хезмәт итү срогы;

— товарны сатып алу бәясе һәм шартлары;

— әгәр товар элек кулланылышта булса яисә аның кимчелеге (кимчелекләре) бетерелсә, сатып алучыга бу хакта мәгълүмат бирелергә тиеш;

— сатучы товардагы кимчелекләр турында сатып алучыны телдән генә түгел, язма рәвештә дә (товар ярлыгында, товар чегында яисә башка ысул белән) кисәтергә тиеш.;

— функциональ билгеләнеше турында белешмәләр;

— мебельны ясаганда һәм аны бизәгәндә кулланылган материаллар турында белешмәләр;

— товарны китерү һәм сатып алучыга тапшыру ысуллары, сроклары, шартлары турында белешмәләр.

Товар турындагы мәгълүмат сатып алучыга мебельгә беркетелгән документациядә, этикеткаларда, маркировка яисә товарларның аерым төрләре өчен кабул ителгән башка ысул белән җиткерелә.

Мебельгә касса чегында, мондый товар өчен түләүне раслый торган электрон яисә башка документта товарның һәм сатучының исеме, артикулы һәм (яисә) моделе, мебель җыелмасына (гарнитурасына) керүче предметлар саны, кирәкле фурнитура саны, һәр предметның бәясе, мебель җыелмасының гомуми бәясе, тышлау материалының төре булмаган очракта, кулланучыга товар белән бергә аның буенча таләпкә әлеге белешмәләр күрсәтелә торган товар чегы тапшырыла һәм товарны турыдан-туры сатучы зат тарафыннан имза куела.

ИГЪТИБАР! Тиешле сыйфатлы йорт җиһазы гарнитуралары алыштырылырга яки кире кайтарылырга тиеш түгел. Сатып алучыга мебельне ремонтлау яисә алмаштыру чорында аңа шундый ук товарны түләүсез бирү каралмаган.

Фото авторы: freepik.com