Начар күрүче алабугалылар VII чакырылыш ТР Дәүләт Советы депутатларын сайлауда тавыш бирде

Алабуга политехник көллияте бинасында тавыш бирүчеләр арасында күрү сәләте буенча инвалидлар булган участок эшли. Биредә аларның саны 100 гә якын. Алабуга сукырлар җәмгыятендә сайлау хокукы булган барлыгы 300гә якын начар күрүче кеше бар. Иртәнге 9да ТР Дәүләт Советына сайлауларга 76 яшьлек Әхнәф Салих улы да килде.

— Гражданлык бурычымны даими үтим. Сайлауларга йөрү — безнең канда инде. Сайлауларның бәйрәм кебек булган вакытларын хәтерлим: музыка, сәүдә рәтләре. Хәзер бераз икенче төрлерәк. Ләкин барыбер — бу зур вакыйга, — ди Әхнәф Харисов.

Биредә беренчеләрдән булып Бөтенроссия сукырлар җәмгыятенең Алабуга бүлекчәсе рәисе Мөнип Гасыймов һәм аның тормыш иптәше тавыш бирделәр. Аларны танышлары озатып йөрде.

Начар күрүче кешеләр өчен тавыш бирү өчен барлык мөмкинлекләр дә булдырылган. 

— Бу сукыр кешеләрне кабинкага озата баручы һәм бюллетеньнәрне тавыш бирү урнасына салырга ярдәм итүче волонтерлар ярдәме дә, Брайль шрифты кулланылган махсус трафаретлар да. Бу формасы һәм эчтәлеге буенча тавыш бирү өчен гадәти бюллетеньнәр белән тәңгәл булган шундый катыргы трафаретлар. Аларның уң ягында билге кую өчен уемнар бар. Тутырылмаган бюллетеньне трафаретка куеп, сан буенча ячейканы атбып, сайланган кандидат каршына билге куя ала, — дип аңлатты 1174 нче УИК рәисе Ирина Штычкова.