Пенсия фонды мошенниклыкның яңа төре барлыкка килүе хакында хәбәр итте

Соңгы араларда алдакчылар халыкка e-mail сылтамалар җибәрә башлаган. Анда «иминиятләштерү тупланмаларын кайтару» турында мәгълүмат языла. «Кайтаруны рәсмиләштерергә» дигән төймәгә баса күрмәгез! Таныш булмаган сайтларда банк картагызның мәгълүматын тутырмагыз! Алдакчыларның корбанына әверелмәгез!" — дип, ТР Пенсия Фонды башлыгы Эдуард Вафин татарстанлыларны уяу булырга өндәде.