Мәктәптә укучы балалары булган гаиләләргә 10 мең сум түләнәчәк

Укучы балалары булган гаиләләргә бер тапкыр ун мең сум акча түләнәчәк.

Россия Президенты Владимир Путин Федераль Җыенга Юлламасында, мәктәптә укучы һәм беренче сыйныфка укырга барырга җыенучы балалары булган гаиләләргә август уртасында бер тапкыр ун мең сум акча түләүне тәкъдим итте.

«Мәктәп яшендәге балалары булган гаиләләргә һәр укучыга ун мең сум исәбеннән акча түләүне тәкъдим итәм. Бер тапкыр бирелә торган бу ярдәм чарасы быел укырга керүче балаларга да кагыла. Ата-аналарның балаларны мәктәпкә әзерләргә вакыты калсын өчен, акчаны август уртасында күчерергә тәкъдим итәм», — диде Владимир Путин.