Район башлыгы Рөстәм Нуриев торак сертификатлары тапшырды

Тагын бер куанычлы вакыйга — торак сертификатлары тапшыру. Район башлыгы Рөстәм Нуриев аларны Демьяновлар һәм Жуковлар гаиләләренә бирде.

— Без бик шат, бик рәхмәтле. Хәзер муниципалитет ярдәме белән торак шартларыбызны яхшырта алачакбыз. Ачкычлар тапшыруны көттек, ләкин ул шундый тантаналы шартларда узар дип уйламадык, бик дулкынландыргыч булды. Алабуга районы башлыгы Рөстәм Нуриевка күп балалы гаиләбезгә ярдәм иткәне өчен рәхмәт әйтәсе килә, — дип уртаклаштылар Ирина һәм Вячеслав Демьяновлар.

Жуковлар гаиләсе дә сертификат алды. Дмитрий белән Алсу ике бала үстерә.

— Безгә, вәгъдә иткәнчә, фатир бирделәр. Рөстәм Мидхәтович вәгъдә бирде һәм үтәде, без канәгать һәм бик рәхмәтле, — дип сөйләделәр Жуковлар.

Фото: Таһир Мәхмүтов.