Район үзәк хастаханәсе территориясендә 260 кв. м юл өслеге ремонтланачак

Алабугада үзәк район хастаханәсе территориясендә 260 кв. м юл өслеге ремонтланачак. 

Бу «Алабуга» МИЗ спонсорлык ярдәме аркасында мөмкин булды. Эшләр башланды инде. Поликлиника территориясендә керү юлы ремонтланачак, шулай ук чокырларны ямау планлаштырыла.

Билгеләп үтик, бу — «Алабуга» икътисади зонасының беренче генә ярдәме түгел. Элек район үзәк хастаханәсенә пульсоксиметрлар, тонометрлар, кондиционерлар, киптерү машинасы, битлекләр, комбинезоннар, канцелярия һәм хуҗалык товарлары тапшырылган иде.