Район башлыгының урынбасары чаңгы узышы буенча төбәкара ярышларларда катнашты

Удмуртиянең Малопурга районында «Раштуа уеннары» чаңгы узышы буенча XXXIII гадәттәге чаңгы ярышлары — «Кече Пурга — Әгерҗе: чикләрсез территория» чаңгы узышы буенча төбәкара ярышларның беренче этабы булды. 

Анда Алабуга районы башлыгының урынбасары Олег Колпаков һәм РФ Чаңгы узышлары Федерациясенең вице-президенты, ТР Чаңгы узышлары һәм биатлон Федерациясенең президенты Илшат Фәрдиев катнашты. 

Олег Колпаков ярышларның югары дәрәҗәдә булуын һәм таулы урын аркасында, чаңгы юлларының катлаулыгын билгеләп үтте.
Узышны беренче булып иң кече төркем − 2014 елгылар һәм аннан да яшьрәкләр башлады. Спортчылар истәлек медальләре алды. Калган спортчылар әлеге ярышлар өчен махсус хәзерләнгән эксклюзив медальләр өчен көрәште. 

Чаңгы юлында Удмурт Республикасыннан, Татарстаннан һәм Пермь ягыннан барлыгы 500гә якын спортчы узышты. Ярышларның киләсе өлеше Әгерҗедә узачак, ул 22 гыйнварга билгеләнгән.