Ришат Төхвәтуллин онлайн-концерт үткәрә

Коронавирус булу сәбәпле, республиканың популяр артистлары онлайн-концертлар сериясен ачып җибәрә. Бүген #Айдадомой онлайн-концертлар сериясен Татарстанның атказанган артисты Ришат Төхвәтуллин дәвам итә. Бу хакта "Татар-информ" мәгълүмат агентлыгы хәбәр итә.

Концертның туры эфиры Татарстан Республикасының рәсми интернет-берләшмәләре мәйданчыкларында «ВКонтакте», «Одноклассники» һәм Instagram социаль челтәрләрендә күрсәтелә. Ул 19.00 сәгатьтә башлана.

Татарстанның халык артистыСалават Фәтхетдинов бу проект кысаларында беренчеләрдән булып онлайн-концерт куйды.

Онлайн-концертлар махсус санитар-эпидемиологик режим вакытында даими рәвештә трансляцияләнәчәк.