ХӘБӘРЛӘР
Россия коткаручылары Төркиядә бер кәстрүл акча тапкан
Табылган 150 мең доллар Төркия полициясенә тапшырылган.
Россия коткаручылары Төркиядә җимерекләр астында зур күләмдә акча тапкан, дип хәбәр итә Гадәттән тыш хәлләр министрлыгының матбугат хезмәте.
«Җир тетрәүдән соң, җимерекләр астында кешеләрне эзләү вакытында Россиянең МЧС хезмәткәрләре 100 долларлык купюралар белән тутырылган кәстрүл тапкан. Табылган 150 мең доллар Төркия полициясенә тапшырылды», — диелә хәбәрдә.
Бүгенге мәгълүматлар буенча, Төркия һәм Сириядәге җир тетрәүләр нәтиҗәсендә һәлак булучылар саны 35 меңнән арткан.
Следите за самым важным и интересным в Telegram-каналеТатмедиа
Оставляйте реакции
Нет комментариев