Россия галимнәре ярты сәгать эчендә COVID-19 авыруын ачыклый торган җиһаз эшләгән

ФМБА трансляцион медицина һәм инновацион технологияләр идарәсе башлыгы Дарья Крючко хәбәр итүенчә, Федераль медик-биология агентлыгының физика-химия медицина институты 27 минут эчендә кешедә югары төгәллек белән коронавирус инфекциясен ачыклый ала торган прибор уйлап чыгарган, дип яза РИА Новости. 

SARS-Cov-2 вирусын билгеләү өчен булдырылган диагностик система, өстәмә рәвештә яхшыртылган чоракта, башка антигеннарны да ачыклый ала.
Хәзерге вакытта Россиядә коронавирус инфекциясенең 7 030 455 очрагы расланган,Татарстанда −25 764.

Фото: pixabay.com