Рөстәм Нуриев планерканы бер минут тынлык белән башлады

Бүген Алабугада гомумшәһәр планеркасы бер минут тынлык белән башланып китте. 

«Бүген Бөек Ватан сугышы башланганга нәкъ 80 ел тула. 1941 елның 22 июнендә башланган бу сугыш миллионлаган ватандашларыбызның гомерен өзде. Хәтер һәм кайгы көнендә без Ватаныбызның азатлыгы хакына сугыш кырларыннан кайтмаган кешеләрне зур рәхмәт һәм хөрмәт белән искә алабыз. Бер минут тынлык белән искә алуыгызны сорыйм», — диде Алабуга районы башлыгы Рөстәм Нуриев. 

Бүген 10.30 сәгатьтә Хәтер мемориалында хәтер һәм кайгы көненә багышланган митинг була.