Сәламәтлек саклау министрлыгы башлыгы Татарстанда нинди белгечлекләр җитмәве турында сөйләде

Татарстан кайбер медицина белгечлекләренә кытлык кичерә. Бу хакта ТР сәламәтлек саклау министрлыгының йомгаклау коллегиясендә ведомство башлыгы Альмир Абашев сөйләде.

Министр сүзләренчә, участок терапевтлары һәм педиатрлар, гомуми практика табиблары, акушер-гинекологлар, шулай ук анестезиолог-реаниматологлар һәм неонатологлар аеруча дефицитлы белгечлекләр булып тора.

«Бүген Татарстанда табиблар белән тәэмин ителеш Россия дәрәҗәсеннән 8% ка түбәнрәк. Ул һәр 10 мең кешегә 35 тәшкил итә. ТР территориясе буенча кадрлар тигез бүленмәве ачыкланды», — диде Абашев.