Сайлау участокларында коронавирус инфекциясеннән саклау өчен барлык куркынычсызлык чаралары да үтәлә

РФ Конституциясенә төзәтмәләр кертү буенча тавыш бирүнең барлык этапларында да эпидемиологик нормаларны үтәү буенча хокук бозулар ачыкланмады, дип хәбәр итә ТР Кулланучылар хокукларын яклау һәм кеше иминлеге өлкәсендә күзәтчелек федераль хезмәте башлыгы Марина Патяшина. 
Аның әйтүенчә, сайлау участоклары эшли башлаганчы кайбер пунктларга карата кисәтүләр булган, әмма алар бетерелгән. Бүгенге көндә коронавирус таралуга яисә таралуга ярдәм итәрлек хокук бозу очраклары ачыкланмаган. 
Тавыш бирүнең мобиль участокларында һәр тавыш бирүчедән соң дезинфекция үткәрелгән. Тавыш бирүнең төп көнендә санитар чаралар дәвам итә.