Шикаятьләр азайды

Бу турыда Алабуга зонасы торак инспекциясе башлыгы Марина Балобанова хәбәр итте. Алар нигездә аерым стояклар буйлап җылы килмәү, һава тоткарланып калу, фатирлардагы җылыткыч җиһазларның тәигез җылынмавы кебек кимчелекләрне күрсәтте. Артык җылылыкка риза булмаучылар да булды.
Алабуга зонасы торак инспекциясенең "кайнар элемтә" телефоны 3-10-77 сентябрь уртасыннан эшли бюашлады, инспекторлар эш көннәрендә кичке сәгать 6га кадәр, шимбәдә - 8.00 сәгатьтән 13.00 сәгатькә кадәр кизү торды. Үткән ел белән чагыштырганда, шикаятьләр саны 20 процентка кимегән.
Шул ук вакытта, быел көзге чорда инспекция тарафыннан ачыкланган кимчелекләр буенча 69 күрсәтмә бирелгән, административ хокук бозулар өчен, вазифаи затлар һәм идарәче компанияләргә карата 10 беркетмә төзелгән, штрафларның күләме 62 мең сумга җиткән.
Марина Балобанова әйтүенчә, Нефтьчеләр проспекты, 20 йорт һәм Разведчиклар урамы, 7 йорт адреслары буенча җылылык челтәрләрен капиталь төзекләндерү үткәрелгән, җылыту режимы көйләнгән.