Синоптиклар республикада якшәмбедән суыта башлавы турында кисәтте

Бүген, 5 февральдә, Татарстанда атмосфера фронты йогынтысы саклана. 0 градуска кадәр аномаль җылылык, кар һәм җепшек кар рәвешендәге явым-төшемнәр көтелә. Әмма якшәмбедән кар явудан туктый, температура түбәнәя башлый.

ТР Гидрометеорология һәм әйләнә-тирә мохитне күзәтү идарәсе хәбәр итүенчә, бүген Татарстан юлларында күрү ераклыгы кими, көндез температура 0 градуска кадәр күтәрелергә мөмкин.

«Республика халкына шуңа игътибар итәргә кирәк: кар һәм җепшек кар рәвешендәге явым-төшемнәр минуслы температура фонында биналар һәм төрле корылмаларның түбәсеннән кар төшүгә китерергә мөмкин», — дип искәртә синоптиклар.

Якшәмбе көнне фронталь система көнчыгышка китәчәк. 6 февральдә төнлә кар яварга мөмкин. Температура (төнге сәгатьләрдә −6..-11, көндез −4..-9 градус) түбәнәя башлар.

Якынча мәгълүматлар буенча, 7 һәм 8 февральдә явым-төшемнәр көтелми, һава температурасы төнлә −4..-9, көндез −8..-16 градус тәшкил итәчәк.