Синоптиклар Татарстанда кар, томан һәм бозлавык турында кисәтте

Чәршәмбе, 27 декабрьдә, Татарстанда кабат болытлы һава торышы көтелә, бераз кар явачак. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә, дип яза «Татар-информ».

Төнлә һәм иртән урыны белән томан төшәргә мөмкин. Җилнең тизлеге көчәйгәндә секундына 10 метрга кадәр җитәчәк.

Төнлә һава температурасы −4..-9 градус тәшкил итте, көндез исә 0..-5 градус булачак. Юлларда бозлавык көтелә.