Соңгы тәүлектә 51 татарстанлы коронавирус инфекциясе йоктырган

Яңа вирус йоктырган 21 кеше хастаханәгә озатылган, 30 кеше өйдә дәвалана.
Казанда — 20, Чаллыда — 14, Яшел Үзән һәм Тукай районнарында — 3шәр, Әлмәт, Биектау, Алабуга районнарында — 2шәр, Аксубай, Әтнә, Мамадыш, Түбән Кама, Питрәч районнарында бер кеше йоктырган.
14 сентябрьгә алынган мәгълүматлар буенча, Татарстанда барлыгы COVID-19 белән авыруның 26 166 очрагы теркәлгән.
Пандемия башланганнан бирле коронавирус инфекциясе йоктырган 22 775 кеше савыккан. Узган тәүлектә — 54 кеше.
Барлыгы 1 042 261 кешегә прививка ясалган. Шулардан 903 568 кеше прививканың икенче дозасын ясаткан.