Өстәл теннисы буенча ярышлар

Катнашучылар әйләнеч система буенча уйнады. Ярышларда егетләр арасында 1 нче урынны Лекарево мәктәбе укучысы Вадим Карицкий һәм Олы Шүрнәк мәктәбе укучысы Эдуард Козырев алды. 2 нче урында - Тимур Дәүләтбаев (Олы Шүрнәк мәктәбе), Игорь Еремеев (Лекарево мәктәбе), 3 нче урында - Данис Әюпов (Иске Юраш мәктәбе), Ярослав Григорьев (Танайка мәктәбе).

Кызлар арасында Иске Юраш мәктәбе укучысы Аида Сафина һәм Морт мәктәбе укучысы Зилия Нуриәхмәтова 1 нче урында, 2 нчедә Зилә Ибәтуллина (Морт мәктәбе) һәм Илмира Әшрәфҗанова (Иске Юраш мәктәбе), Лекарево урта мәктәбе укучысы Мария Колесникова 3 нче урында. Катнашучылар грамота һәм призлар белән бүләкләнде.