«СтройТрест Алабуга» хезмәткәрен 1 млн сум ришвәт алган өчен тоткарлаганнар

Татарстанда 1 миллион сум күләмендә ришвәт алуда шикләнелүче «Алабуга» махсус икътисадый зона компаниясе контролендә булган хезмәткәр тоткарланды. МИЗ матбугат хезмәтендә хәбәр итүләренчә, тоткарлау Федераль куркынычсызлык хезмәтенең республика буенча идарәсе хезмәткәрләре һәм индустриаль паркның куркынычсызлык хезмәте тарафыннан башкарылган, дип яза «Казан КП».

Ир-атка карата ришвәт алу маддәсе буенча җинаять эше кузгатылган. Беренчел мәгълүмат буенча, хезмәткәр акчаны аның мәнфәгатьләрендә гамәлләр кылган өчен тәэмин итүче фирма вәкиленнән алган.

«Алабуга» МИЗда ассызыклаганча, алар коррупциягә түземсезлек принцибын тоталар һәм мондый хокук бозуларны булдырмау өчен хокук саклау органнары белән тыгыз хезмәттәшлек итәләр. Җинаять эшен тикшерү дәвам итә, булган хәлнең барлык шартлары ачыклана.